.
.
منظر جوي من فوق الجبل لمنطقة Penang في ماليزيا
هالصورتين حول المغرب :
.
.
.
نوع الكام :
SONY DSC-P200
.
.
.
منظر جوي من فوق الجبل لمنطقة Penang في ماليزيا
هالصورتين حول المغرب :
.
.
.
نوع الكام :
SONY DSC-P200
.
أرسلت فى Gallery | 2 تعليقان »
.
.
هالصورة في الطريق من فرنسا لبلجيكا
كنا ماشيين بالطريق مالنا من الشيطان طاري ولا السحاب تجمع و صار شكله غريب تسنه طبقه عازله
عاد الله يجزاه خير أبوي لبّق و صورنا 😀
.
.
نوع الكام:
Canon DIGITAL IXUS 700
.
أرسلت فى Gallery | 2 تعليقان »
.
.
صح إن الطموح شي كويس و منتاز ، بس بعض الأحيان يكون مشكله ع صاحبه!
أكره ما عليّ – بعد الإنسان اللي يتمنطق و هو ياكل – هو الإنسان اللي بلا طموح ، تحديدا اللي يكون “حطني تلقاني” !
رئيستي من هالنوعية ع فكرة 🙂 الشغل اللي تسويه هالاسبوع ، لو استقيل و اتغرب 30 سنه همن أرجع للمكتب بلقاها تسوي نفس الشغل بنفس مستوى الإنجاز و يمكن بنفس الملابس ماودي أحط بذمتي 😀 عندها نظرية عجيبة ، دام إن الشغل ماشي وما فيه مشاكل ليه نحاول نتغير ؟ ليه لازم نغير و نشوف طرق جديده و أحسن ؟
بالمقابل ، ربي خلقني إنسانة كل شوي تقترح 😀 ، ما عرف أشوف شي و أسكت ! مشتها لي مره مرتين و ثلاث ، و الرابعه جات وسوت معي اجتماع مغلق ، أنا قلت الله يستر شكلي سويت شي غلط و أنا مدري ، ما دريت إن الإقتراحات تضيق صدرها ، وش هالآدمية ذي 😦 صح إني اقلقت امها كل شوي مرسله لها ايميل ، ولكن ما هكذا تؤكل الكتف ههههه 😦
قال إيش قال ليه تبين تزيدين الشغل ؟ وش فيه شغلنا ؟
قرأت مره في مقال ، يقول الكاتب – اللي مستحيل أذكر اسمه هالحزة – إن أصعب شي هو تغيير البيئة لأن أي تغيير عادة يقابل بالرفض ، حتى لو كان رفض مبدأي ، خصوصا إذا كان التغيير في شي تعود عليه الإنسان بشكل روتيني ، حتى و إن كان هالتغيير راح يخلي حياته أسهل!
شكرا لرئيستي اللي أثبتت لي هالشي بشكل عملي ، و المرضى واجد ما وقفت عليها 😀
“نرجع حق محور حديثنا“
صاحب الطموح – عموما – لا يقبل بأنصاف الحلول و لا يقبل بأي مستوى غير الإمتياز ، فكيف يتكيف مع رئيسة جايتن للداوم تبي تسوي نفس الشغل يوميا بنفس الطريقة لين تموت؟ (أتمنى وصلت لكم المعلومه إني طموحه < :D)
آخر فنتكة من المحروسة ، إذا انضغطت ف شغلة ، قالت محد قال لتس كملي دراستس!
ياخي اشتكيت لتس انا ؟! دافعتن لي من جيبتس ، ولا شايفتني اذاكر ع ظهرتس !؟
عساتس للماحي قولي آمين 😦
قمة الإ حباط من جد !
ع الماشي …
شخصيا ، مقتنعه تماما إن الإنسان لازم يتكيّف مع الإمكانيات الموجودة ، بشرط إنه يستغلها بشكل إيجابي ، لكن من اللي يحدد فعالية الإمكانيات الموجودة في مكان ما من عدمها ؟
هل هو الشخص ولا البيئة ولا الإدارة ؟ أو كلهم ؟
اللي حاب يشارك بالحلطمه يخوش برقله اليمين ، و للبقية حديث 😉
أرسلت فى حلطمة | 8 تعليقات »
.
.
.
.
هالصفحة راح تكون لتصويري الخاص <- الله و أكبر لا يطيح السقف بس 🙂
نرحب بالتعليقات و النقد ” الهادف 😀 “
.
.
أرسلت فى Gallery | 3 تعليقات »
.
.
يسعد لي صباحكم جميعا ,
أغراضي بشكل عام لها قدسية خاصة عندي ، و من يتجرأ يستخدمها بدون استئذان يتحمل ما يجيه من صراخ ، هذا إذا ما اضطرتني الظروف للضرب و المرافس 😀
وحده من خواتي ما تعترف بقانون ملكية أو أشياء شخصية ، الشي اللي تبيه تاخذه و تستخدمه ولا تشوف فيه أي حرج ، و متى ما خلصت منه بعد يوم – يومين – شهر ، و سمح وقتها ترجعه لي (فيها الخير بعد ما تسحب عليتس احمدي ربتس :))
الهوشات ع قدم و ساق خصوصا هاليومين مع كثرة العزايم ، لا وليتها تاخذ اي شي ، لا عمتي تاخذ الشي الزين اللي أحيان ما بعد ألبسه أو استخدمه !
اللي مطيرن طباقة راسي إني لا سألتها عن شي فاقدته تحلف إنها ما أخذته ، لكني بعدها بشوي ألقى الشي نفسه رجع مكانه <- تمعط شوشتها 😦
.
.
مدري هل عندكم مثل نمونة هالعنز ؟ <- قافله معها 😦
.
أرسلت فى حلطمة | 10 تعليقات »
.
.
.
.
مساحة خاصة لكل الأحوال المناخية المصاحبة لتقلب الطقس المزاجي ,
ممتنة لوجودكم .. و متابعتكم 🙂
.
.
أرسلت فى ع الطاري .. ! | 5 تعليقات »